الأربعاء، 3 مارس 2010

يوم الاحد ....










السلام عليكم .. صبحكم الله بالخير ...






اليوم اشاركم بتجربه رائعه من تجار بي الايجابيه وقبل ماتقرونها حابه اقولكم هالبوست مو للتعاطف معاي او مع احد من المصابين بالms مجرد تجربه امر فيها كل اسبوع حاولت اخليها اكثر سهوله ومتعه بعد .. فالتعليق يكون بعيد عن التعاطف ..
كنت قبل لااصاب بل ms انظر للمصاب عاادي بعضهم ينتكس ينكسر خاطري عليهم وادعولهم لكن اليوم دعوا من قلب خاصه وانا في البدايه .. يعني ربي لك الحمد ما اعاني مثل مايعانون ..

بسم الله ..
يوم الاحد يوم كان يمر علي عادي جدا .. مجرد اول يوم دوام وحوسة الاطفال والقعده من النوم والمسا كتتابة الواجبات وتقضي اغراض اىلمدرسه وطلبات المدرسات :(

الاحد هالسنه صار شيئ ثاني .. موعد ابرة ال avonex >>

يعني شنو .. اهي ابره ياخذها مريض ms مره في الاسبوع وهي نوع من انواع الابر مو للعلاج هالابره اهي فقط تاخر الاعراض او بالاصح تاخر الاعاقه وقت من الزمن والحمدلله انهم اكتشفوا شيئ ممكن يوقف هالمرض (:

كل الاحد الساعه 8ونص تقريبا اروح آخذ الابره .. طبعا تعور وتحر بس تعودت عليها تقريبا ..بالطريج حق المستشفى اخذ معاي ككاو ( نصيحه من صديقه ) عشان تخفف علي قزتها (؛
بعدها لازم اطلع مع صديقتي وبصراحه اهي اكثر من اخت خاصه وهي تتحمل مزاجي عقبها ومدت البوز على مايبرد مكان الابره

كل احد نتريق مطعم ونحاول ن نكتشف مطعم جديد .. ( راح اكتب بوست عن المطاعم اللي رحت لها واعجبتني )

وطبعا آكل اكل ماصاار ريوق وغدا مع بعض ..

عقبها نتسوق او نقضي شغلنا .. ارد البيت على الساعه 12 وتكون ااعراض الابره بدت

اعراض الابره :
مثل اعرض الافلونزا ..( الم بالعظام تكسر ,سخونه , دوخه , رعشه ورجفه , وصداع , واخرها بجي !!)
طبعا الازم الاستغفار خاصه الم لعظام والرعشه .

اخذ مسكن وانام والحمدلله اليهال قاموا يعارفون هالشي ماحد يقعدني (:

اقوم قبل المغرب اصلي العصر وتبدي السخونه اكثر من الظهر خاصه ان جسمي تعود على المسكن
ربي لك الحمد الواحد مو حاصله كل هالاجر وربي مايجمع على المؤمن حرين (قريته عن احد العلماء فاذا اصاب بالحمى خفف عنه نار جهنم او لم تصيبه )

الشيئ الحللللللوووووو ان في من صديقاتي اثنين يجيبون لي كل الاحد برد هالحزه ..طبعا اللي صاير غرامي ..pinkbarry وcold ston ماقصرواا صج صار لهم اسبوعين كاشتين فيني بس عذرهم معاهم .. اخدم نفسك بنفسك ..
احب الرومان من pinkbarry جربت الشاي الاخضر جنه حنه :( والثاني روب مع شكر ..





اقعد بفراشي اكل البرد واستمتع فيه والكمادات فوق راسي وعلى رقبتي وبريولي وعيالي معاي بالفراش ادرسهم .. ساعات ياذن المغرب وما اقدر اقوم اصلي فربي لك الحمد على رخصة الجمع ,



احب هالنوع من الكمادات اخذتهم من دايسوا اذاتبونهم باردين حطوهم بالفريزر او حارين بالمكرويف دقيقه .عقب تخف االاعراض الحمد لله ويبقى التكسر .. يتعشون اليهال وينامون


احاول اقوم واخذ شور بارد عشان اصحصح ..


في اشياء صغيره يقومون فيها اللي حوالي احبها واقدرها منهم وافقدها ..


اختي اللي ااصغر مني كل ساعه تتصل تسال شلون صرت او سااعات اشوفها في بيتي وتحديدا عند فراشي .. امي زيارتها لي بليل متاخر وساعات العصر تضف اليهال وتنومهم شيء كبير عندي وايد

وابوي زيارتها ورقيته علي ومسحته على راسي شيئ

صديقاتي ماتوقف مسجاتهم شلون صرتي لي انام واصبح ثاني يوم حتى من بره السعوديه والامارات يسالون ..


صديقتي علمتني او من تجربتها ك دكتوره بكيمياء الصيدله ان ماء زمزم يسرع من مفعول الادويه وفعلا جربت هالشيئ بركة ماي زمزم عجيبه ..


اذاا ماعندي احد مجهزتلي افلام اشوفها اخر واحد motherhood اكسرت خاطري وايد في امهات مثلها او اعرفهم بالاخص :(



يخلص اليوووم وصج ما اخلي وردي لازم اقرأ وردي قبل لااشوف الفيلم حتى لو صفحتين والرقيه الشرعيه ..

ساعات تييني حالة بجي بس على ولا شيئ والحمدلله ان الطبيب قالي من الابره مو شرط تصيب كل واحد ومو شرط كل مره يعني مره بالشهر تييني هالحاله وتعدي ..

هذا جدولي يوم الاحد قمت استمتع فيه وايد ... ومن كان له حيلة فليحتال
وربي يتمم علينا وعليكم الصحه واالعافيه

هناك 14 تعليقًا:

  1. ما شاء الله عليج .. هنيالج بأجر الصابرين المحتسبين ;)

    تعلمت وايد أشياء من بوستج :

    - الصبر >> و يا مسرع ما نفقد صبرنا وعلى أتفه المواقف =/

    - الرضا والقناعة >> صج كنز لا يفنى :)

    - الحرص على التقرب من الله ـ سبحانه ـ و اللجوء له وحده في جميع الأحوال

    - الحرص على الورد اليومي و الرقية الشرعية =)

    عسى ربي يرزقج ويرزقنا ويرزق الجميع نعمة الصحة والعافية :")

    صباح الفل :*

    ردحذف
  2. ألف سلامات وانشالله يلقون علاج للام اس قريبا وترتاحون ..

    والله يخلي لج الأهل وصديقتج :)


    تحياتي ..

    ردحذف
  3. سلامات ماتشوفين شر يارب..

    ردحذف
  4. وايد عجبني البوست

    أحلى شيء عجبني فيه إيمانك ماشاء الله
    الله يثبتك يارب :)

    وإنك قدرتي تحلي المعادلة الصعبة

    أقصد قدرتي تحولين المحنة إلى منحة

    وفعلا إذا أحب الله عبد إبتلاه

    أسال الله أن يرزقك الصحة والعافية وأحببت أن تكون الخاتمة في قول المولى جل وعلا (( أصبرو و صابرو و رابطو واتقو اللــه لعلكم تفلحــون"

    ردحذف
  5. ماشاء الله عليج
    قوية , ماشاء الله
    ماتدرين شكثر تعلمت من بوستج اشياء شكثر ,

    ماشاء الله عليج ,
    حبيييييبتج حيل ,,
    علمتيني اشياء , مااشااء الله عليج
    قوية , وصابرة ومتفائلة ماكو احلى من هالروح
    ^^ماشاء الله ,
    انتي الي تحكمتي بالموقف مو هو الي تحكم عليج
    حيل كبرتي بعيني ماشاء الله ,

    والله يحفظ لج عيالج ويحفظج لهم
    و يقر عين اهلج بشوفتج سالمة معافيه يارب

    اسمحيلي ارفع لج قبعة الاحترام والتقدير الكامل ,
    و محبة بالله وفي الله

    ردحذف
  6. واسمحيلي بعد اختي ال ^^
    ضفتج بقائمة المدونات الي اتابعها
    انتي تستاهلين الكل يقراج جم شخص محتاج كلامج !
    وتفائلج
    ماشاء الله عليج ,,

    ردحذف
  7. السلام عليكم:)


    الابتسامه معناها =====

    جكيتج:)


    انتي وينج!!!

    شدعوه ماتمرين مدونتي؟
    انا مادري وين عنوان بلوقج راح!!
    لما دورتج ولقيتج يعني جذي اتفرفريني الساعه 3 الفير بمدونات خلق الله ادورج:)؟؟

    بس ميخالف تستاهلين...

    بعد هاللبحه الطويله والتحلطم :)


    اممم

    قريت البوست وانا قلبي مع البوستات الثانيه بسيّر عليهم:)


    لفت نظري شي..


    اممم نوبات البجي!!

    انا صايره ام دميعه!!

    بذمتج في وحده تبجي على دعايات!!!

    عادي هذي انا...

    انتيمع وبنص اليمعه يسولفون سالفه نص مؤثره

    واختنا بالله صوتها يتغير واتخشخش تمسح ادموعها


    لا والله خير الحين قرب امتحان التخصص ...


    تلقيني عادي اهستر زف وهواش نص اليوم وتالي الليل اقلقس اراضي واتبجبج...كل هذا هرووب من الدراسه:)

    ياختج الدراسه على كبر مذلّه :)


    ادري قرقت...


    انطر تسيورتج...ادري دعله :)


    حبي:**

    ردحذف
  8. نبض الادب : ربي يكتبنا من الصابرين ان شاء لله

    ردحذف
  9. احمد الحيدر انرت مدونتي ..المتواضعه اشكر مرورك

    ردحذف
  10. رورو .. لله يسلمك حبيبتي

    ردحذف
  11. نبراس .. يارب ينفع فينا وفيكم ..
    الالم لابد ان يتحول الى تجربه تنفع الاخرين ولا ما استفدنا

    وياهلا ومرحبا فيك ..

    ردحذف
  12. سلة ميوه ..

    عاد اىنا حب مدونتج وايد ...

    وستانس لمن اقرالج ..
    وعذريني ادري اغط وايد .ز
    وع طااري ام دميعه ابجي او ختاري هلسلوك ( عاد سمحي لي احب اتفلسف نفسيا ) لووول
    والله البجي شي صحي بىلنسبه للمراه وفيه تغسل نفسها
    وعادي انا ابجي من دعاية نيدوا وكنفورت .. والحين زين

    حالتناا صعبه ...

    دمتي بفرحه وضحكه يارب

    ردحذف
  13. الدوا فقط لمرض التصلب الويحي يصرف فقط من مندوب شركة ايلي ليلي الاخصائي فهد الحربي 0557969894

    ردحذف
  14. الدوا فقط لمرض التصلب الويحي يصرف فقط من مندوب شركة ايلي ليلي الاخصائي فهد الحربي 0557969894

    ردحذف