الثلاثاء، 9 مارس 2010

كنت في جمهورية الكويت الصينيه

الاسبوع اللي طاف كنت بواحد من المعارض اللي تقام في الموفنبيك بالمنطقه الحره




احب هالمعارض خاصه وانها شبابيه .. لكن كانت هالعباره تلح وتحن براسي جمهوريه الكويت الصينيه :




اولا : الكل مقلد بعض فكل البنات يبيعون (كوكيز , ملافع قطن عليها كلفه , جيز كيك , علاقة تلفون , كفرات bb , بعددددددد اممممممممم عبي , قمصان جناط فسفوريه , اكسسوارات لبنايه :( )




الشباب : كلهم مصورين ماشاء الله وهمن دخلوا بموضوع الاكل ......




اما عن الرسبشن فماساة كلهم مكودين عند الباب وما شاء الله عيني عليهم بارده كلهم خون بعض وماكو حيا من بعض واىيد الميانه طايحه بينهم .. ومغازل على ودنو !!!!!!




ما ااظلم البعض كان مبدع جدا جدا


مثل شوكلت نيس بصراحه لذيييييييييييييييييذ حاولو يقلدونه لكن مانجحوا ...




في بنات كانو يبيعون بوب كورن بنكهات شغلهم وايد ذرب (حبيتهم )




وفي بنت كانت تعرض روايتها همن مبدعه ..(طبعا كالعاده نسيت اسمها ) شسوي من الام اس وقعده اخذ جنكو (: (:




نرد حق موضوعنا ..




في بنات يبيعون بورجر شغلهم متميز ولذيييييييذ جدا






ثانيا اللي حسيته اني بالصين البنات كلهم يشابهون بعض نفس اللبس نفس قصت الشعر نفس الحجابات نفس الصوت وتلوي الحلج ..




الشباب على قولتهم ماك جكن ... الاصايرين فلافل وشاورما ...






انا استانس لما اشوف شباب اوبنات يبدعون ويطلعون بفكره جديده او حتى يطورون فكلره نبي الابداع




مو مشروع ومجموعه بالفيس بوك ويللا نشتغل


ثالثا : اسؤال يخطر في بالي المشاركين صج قاعدين يربحون من هالشباب والبنات اللي قاعدين يحوسسسسسن ؟؟


وحياكم الله مره ثانيه في جمهورية الكويت الصينيه








هناك 10 تعليقات:

  1. هاهاهاهاه ضحكتيني

    اي والهل كلهم مثل مثل

    وخوش تشبيه!!!! :) صج جنا صرنا بالصين

    ومنو هذي الي منزله كتابها؟؟؟

    الفال لنا يارب قولي آمين :)



    مسّاج الله بالحب والخير والعافيه

    حبي::*

    ردحذف
  2. صاجه للأسف الكل صار نفس الشكل وياليت في الشء الزين :(

    أنا أحب ان الإنسان يسوي ويبتكر
    بس ليش التفلسف في الأسعار والدبلات الغريبة

    وكل وحده سوت شيله صارت مصصمة واللي تفصل نفانيف بعد مصصمة واللي تحط مكياج خبيرة

    يعني بس يطلعون مسميات عشان يغلون بالأسعار

    حلو الإبداع والإبتكار بس السخيف الإستعباط والمبالغة اللي ما أحبها :)

    والله يوفق الجميع

    حلو الموضوع إشتطيت وايد وإنفعلت :)

    ردحذف
  3. وناسه احب المعارض بس ملوت ارض المعارض لانها بسيطه..

    ملوت شبابنا اغلبها مبالغه بالسعار وماكو ابداع الا ماندر ..

    والمعظم اكل..

    عموما مرسي ع هالتغطيه الحلوه..

    ردحذف
  4. زووووووووووووووغه

    او

    زووووووووووووووعه

    ما تفرق وعاش سور الكويت العظيم الى قافل على العقول

    ردحذف
  5. زرت المعرض اللى قبله فى الموفنبيك ويحليلهم الشباب والشابات شى يونس , أكشخ بياعات فى العالم لأرخص بضاعة كب كيك وهالسوالف .

    بس تحسين بالكبرياء الكويتى عند البيع يعنى كلمتين للتسويق وبعدين ياتشترى ياتمشى تراك لوعت جبدى هههههه

    مساكين اللى كانوا قاعدين بالشمس بدون مظلات خاسوا من العرق والغبار ,الحياة كفاح

    أهم شى فى هبة أسواق الشباب أنها تعلمهم أصعب مهارة واللى أهى التعامل مع الزبائن وتعلمهم صعوبة الزبون الكويتى الدعلة ههههههههههههههه

    أما المغازل فتقدرين تقولين هذا من أرث أسواق العرب من أيام عكاظ

    بوست ممتاز وباقى نشوف سوق P2BK فى أرض المعارض اليوم أخر يوم

    تحياتى

    daggero

    ردحذف
  6. ** الشي الوحيد اللي ماشي بالديره الأكل يقصون علينا يقولون مني بيرجر ولا مني كب كيك و احنا نودي ..

    يستاهلون عيال ديرتنا :)

    ردحذف
  7. سلة ميوه كوكتيل ورورو الشخبوطه مركبنا daggero <<
    اشكر تعليقاتكم واثراءكم لمدونتي لا رمنا الله قرع تعليقاتكم على جدار مدونتي وتشجيعي

    دمتم بحب

    ردحذف
  8. وميم السبيت سعدت جدا بمرورك

    ردحذف
  9. وهم راح احاول واكتب :)))


    مع اني مااعرفج بس يعلم الله إني احبج :)


    وياقليبي والله قلبي معاج ومع كل مرضى الام اس .. ولكم نصيب من دعائي وربي


    حالتج اللي تمرين فيها تمر فيها عزيزة علي وقالت لي عنها وقالت لي شلون الموقف كان مع خدامتها بأسنسير مع بنتها العوده ! تقول متخيله الوضع اللي كنت فيه ؟


    مع هذا صابره ومحتسبه .. والحمدلله كل ماطليت عليها لقيتها ماسكه اذكارها والا تقرا بهالمصحف الله يتمم عليها



    حتى الشوكة فيها اجر .. فمابالج بمرض كامل ؟
    والمرض يحت الذنوب مثل ورق الشجر :)


    فيابختج بهالاجر العظيم !
    عسى الله ييسر امورج وتبشرينا بأحلى نتايج واحلى نفسية :))


    تأكدي إن باجر أحلى .. واللي عقبه أحلى واحلى

    ردحذف
  10. اعجبتني كتابتك ، هذا الموقع به معلومات مفيده عن التصلب العصبي

    www.arabia-ms.com

    ردحذف